جنوبی افریقن ٹی ٹونٹی کرکٹ لیگ میں آصف علی کی جارحانہ بیٹنگ کی بدولت کیپ ٹائون بلٹز نے ڈربن ہیٹ کو 3 وکٹوں سے شکست دے کر مسلسل دوسری کامیابی حاصل کر لی، فاتح ٹیم نے 158 رنز کا ہدف آخری اوور کی پہلی گیند پر 7 وکٹوں پر پورا کیا، 83 کے سکور پر 5 وکٹیں گرنے کے بعد آصف علی نے جارحانہ انداز اپناتے ہوئے حریف بائولرز کا بھرکس نکال دیا، انہوں نے 33 گیندوں پر 5 چھکوں اور 7 چوکوں کی مدد سے 80 رنز کی دھواں دار اننگز کھیل کر ٹیم کو فتح دلائی اور میچ کے بہترین کھلاڑی قرار پائے۔
